သမီးငယ်လေးအတွက် အမှန်တရားအတွက် ရှေ့ဆက်နေတဲ့ အမေ

မန္တလေး၊ ဧပြီ ၂၃ – အချိန်က ည ၁၂းဝ၀ နာရီ တိတိ ရှိပြီ။ သမီးငယ်က အပေါ့သွားချင်လို့ သမီးကို နောက်ဖေးလိုက်ပို့တယ်။ သမီးငယ်ကို အပေါ့သွားဖို့ ဘောင်းဘီကို ချွတ်ပေးတဲ့ အချိန်မှာ မထွေးရီတစ်ယောက်ထိတ်ထိတ်ပျာပျာ ဖြစ် သွားပြီ။ ရုတ်တရက် ဆိုသလို သမီးငယ်ကို ဘယ်လိုဖြစ်တာလဲလို့ မေးမြန်းရင်း မြင်လိုက်ရတဲ့ မြင်ကွင်းက မထွေးရီရင်အစုံကို နာကျင်သွားစေတယ်။

‘ရုတ်တရက်ဆိုတော့ ရူးမတတ်ပါပဲ၊  မျက်လုံးလဲ ပြာထွက်သွားတယ်၊ ဘယ်လို မှန်းကို မသိ ဘူး၊ ပြောကိုပြောမပြနိုင်ပါဘူး”လို့ လွန်ခဲ့တဲ့ တစ်နှစ်ကျော်က အဖြစ်ကို အသက် ၃၈ နှစ် အ ရွယ် မထွေးရီက ပြောတယ်။
သမီးငယ်ရဲ့ မိန်းကလေး အင်္ဂါတစ်ဝိုက်မှာ ရောင်ရမ်းပြီး သွေးအချို့ထွက်နေတာ၊ သွေးခြည် ဥနတာတွေကိုမြင် လိုက်ရတဲ့ခဏ အတွင်းမှာပဲ စိုးရိမ်စိတ်တွေက ငယ်ထိပ်ရောက်သွားတယ်။ ဘာကြောင့်ဖြစ်တာလဲဆိုတာ သမီး ကို ချော့ပြီးမေးမှ သိလိုက်ရတာက မထွေးရီ ရင်ကို ပိုပြီးပူလောင်သွားစေခဲ့ရတယ်။

အသိမကြွယ်သေးတဲ့ အသက်လေးနှစ်သာရှိသေးတဲ့ မထွေးရီရဲ့သမီးလေးဟာ ကလေးတွေ ခေါ်ခေါ်နေတဲ့ ဘကြီးဆိုသူကြောင့် အခုလို ဖြစ်ခဲ့ရတယ်လို့ သိရတယ်။ ဘကြီးဆိုသူက သူ့ရဲ့ အ င်္ဂါနဲ့ ပွတ်ကြောင်း၊ လက်နဲ့ထိုးသွင်းကြောင်း မိခင်ကို ပြောပြတယ်။

အစကတော့ ကလေးစကားကို မယုံကြည်ခဲ့ဘူး။ ကလေးက တစ်ခါမှ မတွေ့ကြုံဖူးတဲ့ အဖြစ်အပျက်တွေကို ထပ်ခါထပ်ခါ ပြောနေတာရယ်၊ သမီးလေး နာကျင်နေတာတွေရယ်ဟာ လိမ်နေတာမဟုတ်ဘူးဆိုတာ သိလိုက်ရတယ်။

‘ဒါနဲ့ သမီးက ဘာလို့မအော်လဲလို့ မေးတော့၊ သမီးပါးစပ်ကို တိပ်နဲ့ ကပ်ထားတာလို့ ပြောတယ်၊ ပြီးတော့ မေမေတို့ကို ဘာလို့ အစက မပြောလဲလို့မေးတော့ သမီးပြောရင် ဘကြီးက မေမေတို့ကို သတ်မှာပေါ့တဲ့၊ မေမေတို့သေ မှာ စိုးလို့ မပြောခဲ့တာတဲ့၊ ရင်ထဲမှ မွန်းကျပ်သွားတာပဲ” လို့ စကားပြောနေရင်း မထွေးရီအသံတွေ တိမ်ဝင်သွားတယ်။

၂၀၁၅ ခုနှစ် ဒီဇင်ဘာလ ၁၅ ရက်မှာ ကလေးငယ် မုဒိမ်းကျင့်ခံခဲ့ရပြီး နောက် ရက် ည ၁၂းဝ၀ နာရီမှ သည်အဖြစ်အပျက်တွေကို သိရခဲ့တယ်။ သိသိချင်း ဘာလုပ်လို့ ဘာကိုင်ရမှန်းမသိ၊နေ့စဉ်ရက်ဆက် ငိုပဲငိုနေမိတယ်။ တစ်ခါမှ မကြုံဖူးတဲ့ အဖြစ်အပျက်ကြောင့် ဗဟုသုတလည်း နည်းတဲ့ မထွေးရီတို့ဟာ အိမ်မှာပဲ ကလေးကို ဒဏ်ကြေဆေးလိမ်းပေးတာနဲ့ ကျိတ်ပြီး ကုသပေးခဲ့တယ်။

ဘကြီးဆိုသူက မထွေးရီတို့နေထိုင်တဲ့ ဘုန်းကြီးကျောင်းက သံဃာတစ်ပါး ဖြစ်တယ်။ အသက် ၄၆ နှစ်။ ငွေရှိတယ်။ စီးပွားရေးလုပ်တယ်လို့ သိရတယ်။

မပြောရဲခဲ့

မထွေးရီသိပြီး သုံးရက်လောက်အကြာမှာ ကလေးက အပေါ့သွားတိုင်း တဆတ်ဆတ်တုန်အောင် နာကျင်နေမှုခံစားနေရတာကို မကြည့်ရက်ခဲ့ဘူး။ အဲဒါနဲ့ အနီးနားက ဆေးခန်းကို သွားပြခဲ့တယ်။ ဆေးခန်းကို ရောက်တော့ သမီးလေးရဲ့ အ ဖြစ်မှန်ကို မပြောရဲခဲ့ဘူး။ ကလေးရဲ့ အင်္ဂါက ဘာနဲ့ခိုက်မိတာလဲမသိဘူးလို့ ဆရာ ဝန်ကို လိမ်ပြီးပြောခဲ့တယ်။

“နောက်ဆုံးတွေးလိုက်တာက သမီးလေးအရွယ်ရောက်လို့ ကျောင်းနေရင် လူတကာ လက်ညှိုးထိုးကဲ့ရဲ့ခံရမယ်၊ ပြီးတော့ ဒါက သာမန်လူမဟုတ်ဘူး၊ သင်္ကန်းဝတ် ဘုန်းကြီးဖြစ်နေ တော့ ကိုယ့်ဘာသာကို အကြည်ညိုမဲ့မှာစိုးလို့ ဆေးကုတော့ လိမ်ပြီးကုတယ်”လို့ မထွေးရီက ရှင်းပြတယ်။

သူ လိမ်ညာခဲ့ပေမဲ့ ကလေးကို စစ် ဆေး လိုက်တဲ့အခါမှာဆရာဝန်က အဖြစ်အပျက်အလုံးစုံကို သိသွားပါတယ်။ မှုခင်းနဲ့ဆိုင်တဲ့ အတွက် ကုသပေးလို့ မရကြောင်း ဆရာဝန်က ရှင်းပြတယ်။ နောက်ပြီး ဘယ်လိုလုပ်ရမယ်ဆိုတာကိုပါ လမ်းညွှန်ပေးခဲ့ တယ်။

“ကျွန်မရဲ့ နှစ်ဝမ်းကွဲ ယောက်မကဆို ရင် ကျွန်မနေ့တိုင်းငိုနေတာမြင်တော့ လာမေးတယ်၊ သူကပဲ ဘကြီးက တဏှာရူးကြောင်း၊ အပြာကားတွေ ကြည့်ကြောင်း ပြောပြီး အမှုကို ချက်ချင်း မဖွင့်ဖို့ လာပြောတယ်၊ ဘုန်းကြီးကျောင်းမှာတည်းပြီး အမှုဖွင့်တော့ မကောင်းဘူး၊ အိမ်ငှား အ ရင်ရှာ၊ အိမ်ငှားရရင် သူကိုယ်တိုင် သက်သေလိုက်ပေးမယ်လို့ပြောတယ်၊ ကိုယ်ကလဲ ယုံကြည်မိတာပေါ့” လို့ မထွေးရီက ပြောတယ်။
မထွေးရီတို့ မိသားစုဟာ သူ့သမီးလေး ဘဝကို ဖျက်ဆီးခဲ့တဲ့ ဘကြီးဆိုတဲ့ ဘုန်းကြီးနေ ထိုင်တဲ့ကျောင်းမှာ အဖီဆွဲပြီးနေရတယ်။ ကံကြမ္မာကိုက မထွေးရီအပေါ်မှာ ရက်စက်လွန်းတယ်လို့ဆိုရမလားပဲ။ ဘုန်းကြီးကျောင်းမှာ မနေခင်က မထွေးရီတို့ အောင်မြေသာစံမြို့နယ်၊ အုတ်စက်ရပ်ကွက်က ညီမဖြစ်သူရဲ့ ခြံဝင်းအလွတ်မှာ အိမ်ဆောက်နေကြတယ်။

ရွှေဘိုဇာတိဖြစ်တဲ့ မထွေးရီဟာ ညီမဖြစ် သူက အိမ်ဆွေးတဲ့အထိ နေနိုင်ကြောင်း ပြောတဲ့အတွက် ပါလာတဲ့ငွေနဲ့ ညီမဖြစ်သူ ခြံဝင်းထဲ မှာ အိမ်ကို ခိုင်ခိုင်မာမာဆောက်ခဲ့ကြတယ်။ သိပ်မကြာခင်မှာ မြေဈေးတွေတက်လာတော့ အိမ်ဝိုင်း ရောင်းတော့မှာဖြစ်လို့ မထွေးရီ ဆောက်ထားတဲ့အိမ်ကို ဖျက်ယူသွားဖို့ အိမ်ကနေ အပြီး ထွက်ပေးဖို့ ပြောလာတယ်။

ဘုန်းကြီးကျောင်းမှာ

မထွေးရီက ဘယ်လိုပဲတောင်းပန်ခဲ့ ပေမဲ့ ညီမဖြစ်သူက ချက်ချင်းထွက်ပေးဖို့ ပြောဆိုလာတာကြောင့် အနီးနားက ဘုန်း ကြီးကျောင်းမှာ ခဏနေဖို့ ခွင့်ပန်ပြီးနေခဲ့ ကြတယ်။ မထွေးရီရဲ့ အမျိုးသားက သည်ဘုန်းကြီးကျောင်းမှာ လမ်းခင်းတာတွေ၊ ကျောင်းဆောက်တဲ့အခါ ကူညီပေးတာတွေရှိခဲ့တဲ့အတွက် ကျောင်းထိုင် ဘုန်းကြီးနဲ့ ရင်းနှီးတယ်။ နှစ်လလောက်သာနေမှာ ဖြစ်တဲ့အတွက် ဘုန်းကြီးကလည်း ခွင့်ပြုတယ်။
ဘုန်းကြီးကျောင်းမှာနေထိုင်တာ တစ်လနဲ့ သုံးရက်အကြာမှာ အခုလိုအဖြစ်ဆိုးတွေနဲ့ ရင်ဆိုင်ကြုံတွေ့ခဲ့ရတယ်။

မထွေးရီက “ကိုယ့်ပါးကို ရိုက်ပြီးငိုတာ၊ ထမင်းလဲမစားဘူး၊ စားလို့လဲမဝင်ဘူး၊ အမြဲလိုလို ငိုတယ်၊ အရူးမကြီးကျနေတာပဲ”လို့ သူ့ သမီး လေးအကြောင်းကို ပြန် ပြောရင်းကျလာတဲ့ မျက်ရည်တွေကို သုတ် ရင်းပြောပြန်တယ်။
သာသနာတော်အတွက်၊ သမီးလေး အရှက်အတွက် အမှန်တရားကို မျက်ကွယ်ပြုပြီး အမှုမဖွင့်ဖို့ ဆုံးဖြတ်ခဲ့တယ်။ သည်လိုဆုံးဖြတ်ခဲ့ပြီး မေ့ပျောက်ဖို့ ကြိုး စားနေတဲ့ မထွေးရီတို့ကို ဘကြီးရဲ့ ဆွေမျိုးတွေက စိတ်အနှောင့်အယှက် ပေးခဲ့တယ်။

ငွေကြေးပြည့်စုံတဲ့ ဘကြီးဘက်က မျက်နှာလိုက် အကြိုက်ဆောင်ပေးတဲ့လူ တွေကလည်း အများသား။ သမီးအကြီးမလေးကို ကျူရှင်ပို့ပြီး အပြန်ကလေးတွေ သောက်ဖို့ လက်ဖက်ရည် ဝင်ဝယ်တဲ့ မထွေးရီကို ဘကြီးရဲ့ ဆွေမျိုးတွေက စောင်းချိတ်ပြောဆိုတာခံရတယ်။ သူတို့က မထွေးရီဟာ ငွေလိုချင်လို့ ကလေးက မုဒိမ်းကျင့်မခံရဘဲ ခံရတယ်ဆိုပြီး ပြောကြတယ်။ အဲသည်လို ကြားလိုက်တာနဲ့ မထွေးရီစိတ်ထဲမှာ ပူလောင်မှု ဒေါသတွေ ထွက်သွားတယ်။

‘အဲဒီနေ့ကဆိုလေ ရှက်လိုက်တာ၊ လူမှန်းသူမှန်းမသိအောင်ကို ဆိုင်ကယ်မောင်းလာလိုက်တာ၊ စိတ်ကလဲ လွတ်သွားပြီလေ၊ ဘယ်လိုလုပ် အိမ်ရောက်သွားမှန်းကို မသိတော့ဘူး” လို့ မထွေးရီက ပြောတယ်။
သမီးလေး အဖြစ်ဆိုးနဲ့ ကြုံခဲ့တာကို တစ်သက်လုံးရင်ထဲမှာ မျိုသိပ်သွားဖို့ ဆုံးဖြတ်ထားပေမဲ့ သည်လိုတွေ ကြားလိုက်ရတော့ မခံချင်စိတ်တွေ၊ မိခင်တစ်ယောက် ရဲ့ သတ္တိတွေ ပေါ်ထွက်လာခဲ့တယ်။
မထွေးရီက ‘သူတို့ကပဲ စော်ကားတယ်၊ သူ တို့ကပဲပြောရတယ်ဆိုပြီး အမှုဖွင့်ဖို့ အမျိုးသားနဲ့ တိုင်ပင်တယ်” လို့ မခံချင်စိတ်နဲ့ အံကိုတင်းတင်းကြိတ်ရင်း ပြောတယ်။

အမှန်တရားရှိတယ်

အခင်းဖြစ်ပြီး ရှစ်ရက်အကြာ ၂၀၁၅ ခုနှစ်၊ ဒီဇင်ဘာလ ၂၃ ရက်မှာ အမှတ် (၁) ရဲစခန်းမှာ အမှုဖွင့်ဖို့ ဆောင်ရွက်ခဲ့တယ်။ အမှုစဖွင့်ဖို့ ရဲစခန်းအတွင်း ရောက်နေစဉ်မှာပဲ ဘကြီးဆိုသူ က ဖုန်းဆက်ပြီးခေါ်ပြီး ကျေအေးပေးဖို့ တောင်း ဆို တယ်။

‘အရှင်ဘုရားရိုက်လို့ ခြေသလုံးကွဲတယ်၊ ခေါင်းကွဲတယ်ဆိုရင် မပြောလိုပါ ဘူး၊ ဒါကြီးက ဘယ်လိုမှ ကျေအေးပေးလို့မရပါဘူး”လို့ မထွေးရီက ပြောတယ်။
မထွေးရီရဲ့ အမျိုးသားဖြစ်သူက မထွေးရီထက် စာရင် ရိုးအ,တယ်။ မိခင်လည်းဖြစ် ၊ သွက်လည်းသွက်တဲ့ မထွေးရီက သမီးအတွက် ဘာမဆို ရင်ဆိုင်ဖို့အသင့်ရှိနေတယ်။ သူ့ရဲ့အားကိုးရာက ဥပဒေမှာ အမှန်တရားရှိတယ်လို့ ယုံကြည်ထားတာပဲ ဖြစ်တယ်။

‘ဥပဒေအကြောင်းတော့ နားမလည် ဘူး၊ ဥပဒေမှာ အမှန်တရားရှိတယ်လို့ ယုံကြည်တယ်၊ ကျွန်မသမီးလေးက တကယ် နစ်နာသွားခဲ့တာလေ”လို့ မထွေးရီက ဆို ပါတယ်။
ဒီဇင်ဘာလ ၂၄ ရက်မှာ သူတို့နေထိုင်တဲ့ ဘုန်းကြီးကျောင်းအတွင်းမှာပဲ ကျောင်းထိုင်ဘုန်းကြီး၊ ဘကြီးလို့ခေါ်တဲ့ ဘုန်းကြီး၊ မထွေးရီတို့ မိသားစုတို့ကို ရဲ တပ်ဖွဲ့ဝင်တွေက တံခါးပိတ် ပြီး စစ်ဆေးတယ်။ ကျူးလွန်ခံရသူကလေးကို အရင် မေးတဲ့အခါ ကလေးက မပြောရဲတဲ့အတွက် ရဲတပ်ဖွဲ့က တာဝန်ရှိသူတစ်ယောက်က တရားခံဘယ်သူလဲဆိုတာကို တစ်ယောက်ပြီး တစ်ယောက် လက်ညှိုး ထိုးမေးခဲ့တယ်။ တခြားသူတွေကိုတော့ ခေါင်းခါယမ်းခဲ့ပြီး ဘကြီးဆိုသူ အလှည့်ရောက်ချိန်မှာတော့ ခေါင်းညိတ်ပြခဲ့တယ်။ အမှုဖွင့်ပြီး မကြာခင်မှာတော့ သည့်ထက်အဖြစ်ဆိုးတာကို ထပ်သိလာခဲ့ရတယ်။ အဲဒါက ကလေးငယ်ကို သဘာဝ ကို ဆန့်ကျင်ပြီး ပြစ် မှု ကျူးလွန်ခဲ့တယ်ဆိုတာကိုပါပဲ။  ကျူးလွန်ခံရသူ ကလေးငယ်က မိခင်ကို မပြောရဲခဲ့တာကို သူ အရမ်းခင်တွယ်ရတဲ့ မငယ်လေးဆို သူမေးမှ ဖြစ်ကြောင်းကုန်စင်ထပ်မံပြောပြခဲ့တယ်။

မထွေးရီက “ကလေးပါးစပ်က နာတာ ကို ရိုးရိုးအပူကန်လို့နာတာလို့ ထင်ခဲ့တာ၊ မုန့်ကျွေးတော့ ပါးစပ်ကနာတယ်တဲ့၊ လည်ချောင်းနာ ပျောက်ဆေးတောင် ဝယ်တိုက်ခဲ့ရသေးတယ်၊ သူတအားချစ်တဲ့ မငယ်လေးက မေးမှ ဒိုင်းဒိုင်း ဆို အကုန်ပြောပြတာ”လို့ ပြောရင်းအသံတွေ တိမ်ဝင်သွားပြန်တယ်။ ပြီးတော့ မျက်ရည်တွေလည်း ကျလာတယ်။

ငွေကြေးချို့တဲ့တဲ့ မထွေးရီတို့မိသားစုအတွက် ဥပဒေပါအမှန်တရားကို လွယ်လင့် တကူ မရရှိခဲ့ပါဘူး။ သမီးလေးကျန်းမာရေးအတွက် အမှုဖွင့်ပြီး ဆေးကုသဖို့ ဆောင်ရွက်ရာမှာ အခက်အခဲတွေ ရှိခဲ့တယ်။

ကြန့်ကြာနေရ

“ရဲစခန်းကိုသွားတဲ့အချိန်မှာ အစက တော့ နွေးနွေးထွေးထွေးပဲ၊ နောက်ပိုင်းကျ အဖျားရှူး လာတယ်၊ ဆေးကုသခွင့်ရဖို့ ဆေးစာသွားယူတာ စခန်းမှူးမရှိလို့၊ လူကြီးလမ်းကြောင်းပါ သွားလို့နဲ့ တစ်နေကုန်ထိုင်စောင့်ခဲ့ရတဲ့ရက်တွေရှိတယ်”လို့ မထွေးရီက သူကြုံတွေ့ခဲ့ရပုံကို ပြောတယ်။

အမှုဖွင့်ပြီး ငါးရက်လောက်နေမှ ဆေးစာရတယ်။ အမှုဖွင့်တာလည်းနောက်ကျ၊ ဆေးစာရတာလည်းနောက်ကျတော့ မှုခင်းဆရာဝန်စစ် ဆေးဖို့လည်း နောက်ကျသွားတယ်။
‘အခင်းဖြစ်ပြီး ၁၀ ရက်လောက်ကြာသွားတယ်၊ ကလေးက ဒဏ်ရာတော့ ကျန်သေးတာပေါ့၊ မှုခင်းဆရာဝန်ကြီးက ရက်တ အားနောက်ကျလို့ ကျွန်မတို့ကို ဆူသေးတယ်”လို့ မထွေးရီ က ပြောတယ်။
သမီးအတွက် မေးရင်းမြန်းရင်းနဲ့ ပထမဆုံး သွားပြခဲ့တဲ့ ဆေးခန်းက လမ်းညွှန်မှုနဲ့ သက်သေအထောက်အထား ခိုင် လုံဖို့ ဘကြီးဆို သူပြောစကားတွေကို အသံဖမ်းခဲ့တယ်။ အသံဖမ်းခဲ့တဲ့ အထဲမှာ ဘကြီးဆိုသူက သူကျူးလွန်ကြောင်း ဝန်ခံချက်တွေပါတယ်။ အသံဖိုင်က သည်အ တိုင်းထားလို့ တစ်နေ့ပျောက်သွားရင် အခက်အခဲ ကြုံနိုင်တယ်ဆိုပြီး ကော်ပီတွေလည်း ကူးထားတယ်။

မထွေးရီမှန်းထားတဲ့အတိုင်း အသံဖိုင် ပါတဲ့ ဖုန်းဟာမျက်နှာကြီးရာ ဟင်းဖတ်ပါ တဲ့ ဆွေမျိုးတွေကြောင့် ပျောက်သွားခဲ့တယ်လို့ ဆိုတယ်။
‘နေရတာကလဲ ဘုန်းကြီးကျောင်း ထဲ မှာ၊ ယောက်မနှစ်ဝမ်းကွဲကလဲ သူတို့ဘက် ကဆို တော့ ဘယ်သူမှမသိအောင် ကော်ပီကူးထားလိုက်တာ၊ ဒါပေမဲ့ ဒီဇင်ဘာလ ၂၉ ရက် နေ့ လယ် ပိုင်းမှာ  ပျောက်သွားတာ” လို့ မထွေးရီက ပြောတယ်။

ဘကြီးရဲ့ ဆွေမျိုးတွေက လိုချင်တဲ့ ငွေကြေးပေးမယ်၊ အမှုကျေအေးပေးဖို့ပြောပြီး လာညှိ တာရှိသလို သာသနာညှိုးနွမ်းစေမှုနဲ့ တရားစွဲမယ်လို့ ခြိမ်းခြောက်ပြောတာလည်း ရှိခဲ့တယ်။ သူတို့ဘယ်လိုပဲပြောပြောအမှန်တရားကို ယုံ ကြည် တဲ့အတွက် မထွေးရီတစ်ယောက် ရဲရဲဝံ့ဝံ့ရင်ဆိုင်ခဲ့တယ်။

‘ကားတစ်စီး၊ တိုက်တစ်လုံး၊ တစ် ဘဝလုံး ချမ်းသာအောင်ပေးမယ်ဆိုရင်တောင် ကျွန်မ လက်သင့်မခံနိုင်ဘူး၊ ကျွန်မလိုချင်တာက အမှန်တရားပဲ” လို့ မထွေးရီက ဆိုတယ်။

တရားရုံးမှာ

အမှန်တရားကိုသာ ယုံကြည်ထားတဲ့ မထွေးရီအတွက် တရားရင်ဆိုင်ရတဲ့အခါ မှာလည်း အခက်အခဲတွေရှိခဲ့ပြန်တယ်။ တရားရုံး ကိုရောက်လို့ ဘယ်ကိုသွားပြီး ဘာလုပ်ရမလဲ မသိခဲ့ဘူး။ မသိလို့ မေးမြန်း ပြန်ရင် အဆူ အ ငေါက်က ခံရသေးတယ်။ ရုံးချိန်းက ဘယ်အချိန်လဲမသိရလို့ တစ်နေကုန် စောင့်ခဲ့ရတဲ့ရက်တွေလည်း ရှိခဲ့တယ်။

အခက်အခဲဆုံးက ရှေ့နေ မငှားရမ်းနိုင် တာပါပဲ။ ကလေးသူငယ်ကာကွယ်စောင့်ရှောက်ရေး ရဲတပ်ဖွဲ့က တာဝန်ရှိသူချိတ် ဆက်ပေးခဲ့တဲ့ ရှေ့ နေ တစ်ဦးရှိခဲ့တယ်။ သည်ရှေ့နေက အမှုတွဲကူးဖို့၊ ပါဝါတင်ဖို့ ငွေကျပ် ၅၀,ဝ၀ဝ တောင်းတာ ကိုပင် ပြည့် ပြည့်ဝ၀မပေးနိုင်ခဲ့။ ခြစ်ကုတ်ပြီးစုထားတဲ့ငွေ ကျပ် ၄၀,ဝ၀ဝ ကိုပေးခဲ့ပြီး ကျန်တာ နောက်မှပေးဖို့  ပြောခဲ့ရတယ်။

‘ငွေပေးလိုက်လို့ စားဝတ်နေရေး ခက်ခဲသွားတယ်၊ ဒါပေမဲ့ ရှေ့နေကမှ ဥပဒေနားလည်တာဆိုတော့ အရဲစွန့်ပြီး ပေးလိုက်တယ်၊ တကယ်ပဲ အဲဒီရက်တွေက ဆန်ပြုတ်ပဲသောက်ခဲ့ရတယ်” လို့ မထွေးရီက ပြောပါတယ်။

သူ့ဘက်ကလိုက်ပေးတဲ့ရှေ့နေဆိုသူဥပဒေအရာရှိကမဝင်ခိုင်းလို့လို့ပြောပြီး အပြန်လှန်မေးခွန်းထုတ်တာ၊ မေးမြန်းတာတွေမလုပ်ဘူးလို့ မထွေးရီက ပြောပါတယ်။အဲဒါတွေအပြင် တရားရင်မဆိုင်ခင်ကသမီးလေးကို ဆေးစစ်ချက် အောင်တယ်လို့သိထားတဲ့အသိက တရားရုံးရောက်တဲ့အခါတလွဲစီ ဖြစ်ကုန်တယ်။

‘ကလေးသူငယ်ကာကွယ်စောင့်ရှောက်ရေး ရဲတပ်ဖွဲ့က ဆရာမကြီးကပြောတော့ ဆေးစာ အောင်တယ်၊ ကိုယ်က စင် ပေါ်ကလူ စိတ် အေး အေးထားလို့ ပြောတယ်၊ ဒါပေမဲ့ တရားရုံး မှာ ဆရာဝန်ထွက်ဆိုသွားတာက ကလေးအင်္ဂါ က ချို့ယွင်းချက်တောင်မရှိဘူးလို့ ထွက်ဆိုသွားတယ်” လို့ မထွေးရီက ဆိုပါတယ်။

တစ်ခါတလေမှာ ရေဝယ်သောက်ဖို့ ပိုက်ဆံတောင်မရှိဘဲ ရုံးချိန်းသွားခဲ့ရတဲ့ ရက်တွေလည်း ရှိခဲ့တယ်။ အလုပ်က အ ဆင်မပြေ၊ ဘုန်း ကြီး ကျောင်းထဲမှာလည်း ဆက်မနေဖို့ မောင်းထုတ်ခံရတယ်။ သည်လိုနဲ့ သူ့မှာရှိတဲ့ ရေခဲ သေတ္တာကို ရောင်းပြီး ရတဲ့ငွေနဲ့ ဘုန်းကြီး ကျောင်းနဲ့ဝေးတဲ့ နေရာမှာ အိမ်ငှားနေတယ်။

ဘုန်းကြီးရဲ့ဆွေမျိုးတွေက နောက် ပြောင်းတဲ့ရပ်ကွက်အထိကို လိုက်ပြီးရန်ရှာတာ၊ စောင်း မြောင်းပြောဆိုတယ်လို့ ဆိုပါတယ်။ အဲသည် ရပ်ကွက်မှာလည်း အဆင်မပြေဖြစ်လာတယ်။
သည်လိုကလေးကို ရပ်ကွက်ထဲက သူတွေက အထင်သေးတဲ့အကြည့်နဲ့ ကြည့်တာ၊ သမီးလေးနဲ့ သူတို့ကလေးတွေကို မကစားဖို့ ပြောဆိုတာတွေ ရှိလာတယ်။ သမီးလေးအားငယ်မှာ ၊ စိတ်ဓာတ် ကျမှာစိုးလို့ ကလေးကို မထွေးရီ အလုပ်သွားတိုင်း ခေါ်သွားတယ်။ အလုပ်မသွားတဲ့ရက်ဆိုရင် အိမ်ထဲမှာပဲ နေကြတယ်။

မထွေးရီက အဝတ်လျှော်၊ စက်ချုပ်တဲ့အလုပ်ကို လုပ်တယ်။

ရတဲ့အလုပ်နဲ့ငွေရှာ

မထွေးရီက အဝတ်လျှော်၊ စက်ချုပ် တဲ့အ လုပ် ကို လုပ်တယ်။ တစ်ခါတစ်ရံ အမျိုးသမီး ခရီးသည်ကို ဆိုင်ကယ်တက္ကစီ လိုက်ပို့တာလည်း လုပ်တယ်။ သည်အလုပ်နဲ့တင်သမီးကြီးနဲ့ သား အလတ် ကျောင်းစရိတ်၊ သမီးငယ်ဆေးကု သ စရိတ်တွေ ချွေတာပြီးသုံးစွဲနေရတယ်။ သူ့ ရဲ့ အမျိုးသားကလည်း ကျပန်းအလုပ်လုပ် တာ ဖြစ်လို့ ငွေကြေးမချောင်လည်ဘူး။
တစ်နေ့မှာ အဝတ်လျှော်ရင်း  နောက် ထပ် အလုပ်သစ်တစ်ခုလုပ်ဖို့ ဆက်စပ်မိ တယ်။ နောက် ထပ်အလုပ်တစ်ခုက သူ့အ တွက် လက် ရှိကြုံနေရတဲ့ အခက်အခဲတွေကို ပြောင်းလဲလာ စေလိမ့်မယ်လို့ မထင်မိခဲ့ဘူး။ သူက Man-dalay Journalism School မှာ အချိန်ပိုင်း အနေနဲ့ သန့်ရှင်းရေး ဝင်လုပ်ခဲ့တယ်။

သူက အလုပ်ပြီးတာနဲ့ တခြားအလုပ်တွေရမှာဖြစ်တဲ့အတွက် သည်နေရာဟာ ဘာလုပ် တဲ့နေရာလဲဆိုတာ မစပ်စုခဲ့မိဘူး။ ရုံးချိန်းရှိတဲ့ တစ်နေ့မှာ Mandalay Journalism School မှာ သန့်ရှင်းရေးလုပ်ဖို့ နောက်ကျသွားတယ်။ အဲသည်မှာတင် ဘာကြောင့်နောက်ကျရတဲ့အကြောင်းကို ရှင်းပြရင်း မီဒီယာအချိတ်အ ဆက်တွေရလာခဲ့တယ်။

အမှုအတွက် အမိန့်ချခါနီးအချိန်မှာ မီဒီယာနဲ့ဆက်သွယ်မိပြီး အကူအညီတောင်းခဲ့တယ်။ တရား ရုံး ကို အမှုကြားနာဖို့ မီဒီ ယာအချို့လိုက် လာတဲ့နေ့က လျှောက်လဲ ချက်ဖတ်ရမယ့်နေ့ဖြစ်တယ်။ အဲသည်နေ့ က လျှောက်ချက် မဖတ် ဖြစ်ဘူး။

မထွေးရီတို့ အမှုရင်ဆိုင်စဉ်က ပုဒ်မ ၃၇၆/ ၅၁၁ ကြံစည်မှုနဲ့သာ စွဲချက်တင်ခံရ တယ်လို့ သိရတယ်။ ကြံစည်မှုနဲ့သာ အမိန့်ချမယ်ဆိုရင် တစ်ကိုယ်တော်ဆန္ဒပြ ဖို့အထိ ပြုလုပ်ဖို့ ရည်ရွယ်ထားတယ်။
‘ဒါဆို ကလေးက သေသွားမှ မုဒိမ်းမှုမြောက်မှာလားလို့တောင် မေးလိုက်မိသေးတယ်” လို့ မထွေးရီက ဆိုတယ်။

နောက်ပိုင်းမှာ မီဒီယာတွေ ရုံးတော်ကို လိုက်လာမှ သည်အမှုက ခရိုင်တရား ရုံးမှာ အ မိန့် မချဖြစ်သေးဘဲ တိုင်းတရားရုံးအထိ အမှုတွဲကိုတင်လိုက်တယ်။ ပြစ်မှုကျူးလွန်ကြောင်း ထင်ရှားတဲ့ ပုဒ်မ ၃၇၆ မုဒိမ်းမှု ပြောင်းလဲသွားတယ်လို့ သိရ တယ်။

လက်ရှိအခြေအနေမှာတော့ ပြစ်မှုကျူး လွန်ကြောင်း ထင်ရှားတဲ့ပုဒ်မနဲ့ စွဲချက်တင်ထားတဲ့အတွက် ဘုန်းကြီးဘက်က ရှေ့နေက နေပြည်တော်အထိ အမှုတွဲတင်ထားတယ်လို့ သိရတယ်။ အမှုက တစ်နှစ် ကျော်ကြာလာပေမဲ့ မပြီးပြတ်သေးပါဘူး။

ပြောင်းရွှေ့နေထိုင်တဲ့နေရာက ပတ်ဝန်းကျင်နဲ့ အဆင်မပြေတော့ အိုင်အင်န်ဂျီအို အဖွဲ့အစည်းဖြစ်တဲ့ ဝေါဗွီရှင်ကို အကူအညီတောင်းခဲ့တယ်။ ကံကောင်းထောက်မစွာနဲ့ ဝေါဗွီရှင်ရဲ့ စီမံချက်နယ်မြေထဲမှာပါနေတဲ့အတွက် အကူအညီရခဲ့တယ်။ ဝေါဗွီရှင်အဖွဲ့အစည်းက ပတ်ဝန်းကျင်ကောင်းတဲ့နေရာကို အိမ်ငှားရမ်းပေးခဲ့တယ်။

သူ့သမီးလေးဘဝမှာ အမည်းစက်ဖြစ် သွားစေခဲ့တဲ့အတွက် မထွေးရီက သူ့ဆွေမျိုးတွေကိုလည်း နာကြည်းချက်နဲ့ အဆက်အသွယ်လည်း မလုပ်ခဲ့ဘူး။ သား သမီးသုံးယောက်လုံး ပညာ တတ်တွေ ဖြစ်စေဖို့ သူ့မှာလုပ်စရာတွေ ကျန်နေသေးတယ်။

သူ့ရဲ့ ကလေးတွေကို သူ့လို အသိပညာနည်းပါးတဲ့သူမဖြစ်စေချင်ဘူး။ အဓိကက ပြစ်မှု ကျူးလွန်ခံရတဲ့သမီးငယ်လေးဘဝကို ပိုပြီးပညာ တတ်ဖြစ်စေချင်တယ်။ ကလေးတွေ ပညာတတ်ကြီးတွေ ဖြစ်အောင် သူရုန်းကန်နေဦးမှာပါ။

‘ပညာတတ်မှ သူကြုံခဲ့ရတာတွေကို အမှားအမှန်ခွဲခြားနိုင်မယ်၊ ပညာတတ်မှ အ ရာရာကို ရင်ဆိုင်ရဲမှာလေ”လို့ မထွေးရီက ပြောတယ်။

Author အိမို့မို့ခိုင်