ခိုပြေးလာသည့် စုံတွဲ တည်းခိုခန်းရှေ့ ထိုင်နေစဉ် မီနီဘတ်စ် ၀င်တိုက်၊ အမျိုးသမီး သေဆုံး
မန္တလေးတိုင်းဒေသကြီး ဝမ်းတွင်းမြို့နယ် ရန်ကုန်-မန္တလေးလမ်း မိုင်တိုင်၃၅၆/၇ မှာ ဧပြီ ၁၃ ရက် နေ့လယ် ၃ နာရီလောက်က မျိုးမျိုးတည်းခိုခန်းရှေ့ ထိုင်နေတဲ့ဇနီးမောင်နှံကို မီနီဘတ်စ်ကားတစီးက ဘီးပေါက်ပြီး ၀င်တိုက်လို့ အမျိုးသမီး သေဆုံးသွားပါတယ်။
မောင်မောင်တို့စုံတွဲကို ဖြိုးမောင်မောင် မောင်းလာတဲ့ မီနီဘတ်စ်ကားရှေ့ဘီး ပေါက်ပြီးတိုက်မိလို့ မောင်မောင်နဲ့ကားပေါ်ပါလာတဲ့ ဒေါ်ငွေမြိုင် ဒဏ်ရာရ ပြီး မောင်မောင်ရဲ့ဇနီးကတော့ အခင်းဖြစ်နေရာမှာ သေဆုံးတယ်လို့ ဝမ်းတွင်းမြို့မရဲစခန်းက ပြောပါတယ်။
“အခုမှခိုးလာတဲ့အတွဲ လောက်ကိုင်ဘက်ကလို့ သိရတယ်။ မောင်မောင်က ဝပ်ရှော့လုပ်တယ်တဲ့၊ ညာနားထင် ပေါက်တယ်၊ ပွန်းပဲ့ကုန်တယ်၊ သွေးလန့်ပြီး ဘာမှမပြောနိုင်သေးတော့ သေသွားတဲ့ သူ့ကောင်မလေးနာမည် မေးလို့မရသေးဘူး၊ ဝမ်းတွင်းဆေးရုံတင်ထားရတယ်။ မီနီဘတ်ကားပေါ်ပါလာတဲ့ ဒေါ်ငွေမြိုင်က ညာဘက်ပေါင်ကျိုးသွားတယ်၊ ကျောက်ဆည်ဆေးရုံပို့ထားရတယ်လို့ ဝမ်းတွင်းမြို့မရဲစခန်းမှ ဒုရဲအုပ်အောင်ကိုကိုက ပြောပါတယ်။
“ကားကမြောက်ဘက်ကို ဦးတည်လာတယ်။ မောင်မောင်တို့အတွဲက ကားကိုကျောပေးပြီး မြောက်ဘက်လှည့် စကားပြောနေတယ်။ ကားအရှိန်ကပြင်းတော့ တမာပင် ၂ ပင်ပါ ပြတ်သွားတယ်” လို့ မျက်မြင်တဦးဖြစ်တဲ့ ကိုနန်းလှိုင်ကပြောပါတယ်။
ယာဉ်မဆင်မခြင်မောင်းတဲ့ ဖြိုးမောင်မောင်ကို လူသေဆုံးမှု ရာဇသတ်ကြီးပုဒ်မ ၃၀၄(က) နဲ့ ပြင်းထန်ဒဏ်ရာရမှု ရာဇသတ်ကြီးပုဒ်မ ၃၃၈ နဲ့ ဝမ်းတွင်းမြို့မရဲစခန်းက ဖမ်းဆီးအမှုဖွင့်ပါတယ်။
သတင်း- မောင်မောင်လင်း (ဝမ်းတွင်း)
DVB
KGM@Maung Mon Aung
No comments: